თუ ჯერ კიდევ არ დარეგისტრირებულხართ Google-ის ყოველწლიურ ჩემპიონატზე, უმჯობესია იჩქაროთ, რადგან 13 აპრილს ღამის 3:00 საათზე საკვალიფიკაციო რაუნდი იწყება. ის 25 საათს გაგრძელდება, რათა სხვადახვა დროის სარტყელში მყოფმა ადამიანებმა შეძლონ მონაწილეობა. საკმარისი ქულების დაგროვების შემთხვევაში პირველ რაუნდზე დაიშვებით, მეორე და მესამე რაუნდის შემდეგ კი დასწრებული ფინალია, რომელიც წლევანდელ ზაფხულს ლონდონში გაიმართება. ფინალში გადასულ მონაწილეებისთვის მგზავრობის ხარჯებს კომპანია Google აანაზღაურებს, ხოლო საპრიზო თანხა 20,200$-ს შეადგენს:
1 ადგილი - 15,000$
2 ადგილი - 2,000$
3 ადგილი - 1,000$
4-25 ადგილი - 100$

წელს Google Code Jam ჩემპიონატის მეათე წლისთავია. ამოცანები იგივე სტილით იქნება, როგორც გასულ შეჯიბრებებზე, ასე რომ, მათი ამოცანათა არქივის სავარჯიშოდ გამოყენება შეიძლება. ჩემპიონატის განრიგის სანახავად ამ ბმულს მიჰყევით.

გისურვებთ წარმატებებს! :)

მოგესალმებით,

შეგახსნებეთ რომ მიმდინარეობს რეგისტრაცია გუგლის მიერ ორგანიზებულ შეჯიბრზე - Google Code Jam 2012. საკვალიფიკაციო რაუნდი დაიწყება შაბათს, 14 აპრილს, ღამის 3 საათზე და გაგრძელდება 15 აპრილის დილის 4 საათამდე.

ამ ალგორითმული ამოცანების ტურნირს გუგლი 2003 წლიდან მოყოლებული ატარებს. გასულ წელს 30,000-ზე მეტ ადამიანმა მიიღო მონაწილეობა, გამარჯვებული კი იაპონელი rng_58 გახდა, რომელიც 10,000$-ით დაჯილდოვდა. ჩემპიონატის ფინალი გაიმართება ივლისში ნიუ იორკში არსებულ Google-ის ოფისში და მის მონაწილეებს მგზავრობის ხარჯებს ორგანიზატორები დაუფინანსებენ.

ამ პერიოდში ტარდება მეორე დიდი ჩემპიონატი - TopCoder Open 2012, რომლის სპონსორი წელს Facebook გახლავთ. TCO მსოფლიო მასშტაბის ტურნირია პროგრამირებასა და დიზაინში და ღიაა Topcoder-ის ყველა წევრისთვის, ვინც 18 წლის ან უფროსია. მონაწილეობის მიღება შესაძლებელია ექვს სხვადასხვა ტიპის შეჯიბრში - ალგორითმები, დიზაინი, დეველოპმენტი, მარათონი, Mod Dash, Studio Design. წელს საპრიზო ფონდი 300,000$-ზე მეტს შეადგენს. ასევე, ფინალისთვის ფლორიდაში გამგზავრება GCJ-ის მსგავსად ორგანიზატორის მიერ ფინანსირდება. მათ, ვინც TCO-ს პირველი და მეორე საკვალიფიკაციო რაუნდები გამოტოვა, კვლავ აქვს შანსი მონაწილეობა მიიღოს ბოლო საკვალიფიკაციო რაუნდში, რომელიც 14 აპრილს გაიმართება (ჩვენი დროით 20:00 საათზე). ამისთვის მონაწილე ტურნირზე დარეგისტრირებული უნდა იყოს არანაკლებ 24 საათით ადრე. მთელი ჩემპიონატის განრიგი ამ ბმულზეა.

ჩემპიონატებში მონაწილეების რაოდენობა ნუ შეგაშინებთ. არაერთი ქართველი მონაწილე გასულა მოწინავე ადგილებზე და ფინალშიც კი. ტოპკოდერისთვის მოსამზადებლად შეგიძლიათ არენაში იმეცადინოთ, ხოლო ვისთვისაც ეს პირველი შეჯიბრია ამ პლატფორმაზე, დაგეხმარებათ შემდეგი პოსტი: Tutorial for Topcoder Newbies. დახმარებისთვის ყოველთვის გელით ჩვენს ფორუმზე.

გისურვებთ წარმატებებს!

11 ივნისს Google Code Jam 2011 შეჯიბრის მესამე რაუნდი ჩატარდა, რომელშიც 500 საუკეთესო მონაწილე ასპარეზობდა მთელი მსოფლიოდან. მათ რიცხვში ოთხი ქართველიც შედიოდა: ნიკოლოზ ჯიმშელეიშვილი, გიორგი საღინაძე, ნიკოლოზ გაბისონია და აკაკი მამაგეიშვილი. რაუნდის შედეგად შეირჩა 25 მონაწილე, რომელიც 29 ივლისს ტოკიოში ჩასატარებელ ფინალში იბრძოლებს წლევანდელი codejam–ის ჩემპიონის ტიტულისთვის. ნიკოლოზ ჯიმშელეიშვილმა უაღრესად დამაჯერებელი ასპარეზობის შედეგად მოიპოვა ამ რაუნდში მე-2 ადგილი და ფინალში საგზური. ვულოცავთ მას და ვუსურვებთ იაპონიაში წარმატებით გამგზავრებას და გამარჯვებას!